Greqi, parcela e mbjellë me kanabis nga dy shqiptarë, zbulohet me helikopter

Policia greke ka zbuluar një parcelë të mbjellë me kanabis dhe ka arrestuar dy shtetas shqiptarë, të moshës 48 dhe 33 vjeç, që akuzohen si kultivues të bimës narkotike.

Parcela ndodhej në një zonë mjaft të thyer malore të Arahovas, në perëndim të Beotisë, por për zbulimin e saj u përdor një helikopter i policisë.

Në vendngjarje u gjetën 216 fidanë kanabisi me lartësi deri 2,5 metra.

Dy shtetasit shqiptarë nuk ndodheshin aty, por u mundësua identifikimi dhe më pas arrestimi i tyre, njeri në Livadhja dhe tjetri në Arahova.

Policia thekson se pas kontrolleve në banesat e tyre, u gjetën dhe u sekuestruan 7.000 euro, 6 telefona celularë, si dhe sasi të vogël kanabisi të papërpunuar.

Policia lokale po heton nëse janë të implikuar dhe persona të tjerë në këtë çështje