Presidenti Trump rikonfirmon mbështetjen për Kavanaugh

Presidenti i SHBA, Donald Trump ka ripërsëritur mbështetjen për të nominuarin e tij për gjykatës në Gjykatën Supreme, Brett Kavanaugh, duke bërë thirrje për votimin e tij, vetëm disa minuta pas përmbylljes së procesit të gjatë të dëshmive që kanë bërë Kavanaugh dhe Christine Blasey Ford, e cila ka akuzuar gjykatësin për sjellje të keqe seksuale.

“Gjyqtari Kavanaugh i ka treguar Amerikës pikërisht se pse e kam nominuar atë. Dëshmia e tij ka qenë e fuqishme, e sinqertë dhe bindëse”, thekson Presidenti Trump përmes një postimi në Twitter.

Presidenti Trump e ka cilësuar kundërshtimin e demokratëve për kandidatin e tij dhe një seri të pretendimeve për sjellje të keqe seksuale kundër Kavanaugh në javët e fundit si “turp total dhe përpjekje për të shtyrë, penguar dhe rezistuar. Senati duhet të votojë!”.