Sulmohet me armë zjarri klubi ku ka pirë kafe HashimThaçi

Klubi ku ka pirë kafe dje presidenti i Kosovës, Hashim Thaçi, në veri të Mitrovicës, është sulmuar me armë zjarri mbrëmë pas mesnatës.

Klubi ndodhet në fshatin Banjë, afër kufirit të Bërnjakut, ku përveç dëmeve materiale nuk ka të lënduar në njerëz.

Zv/drejtori i Policisë së Kosovës, për rajonin e veriut, Besim Hoti, e ka konfirmuar lajmin duke thënë se policia ka dal në vendin e ngjarjes dhe po punon në gjetjen e të dyshuarve.

Sulmi ndaj klubit,  pronar i të cilit është serbi Goran Drazheviç, ndodhi në kohën kur policia kishte raportuar largimin e barrikadave në Zubin Potok dhe gjendja raportohej e qetë.