Dokumenti/ Kallëzimi i Nuhut, Rrajat kërcënojnë: “Do të zhdukim ty dhe familjen tënde, hiq dorë…”

Nënkomisar Emiljano Nuhu në reagimet e tij të fundit është shprehur se ka qenë i kërcënuar nga anëtarë të fisit Rraja, kërcënime këto të cilat i ka adresuar në polici duke bërë një denoncim në Komisariatin Nr.6 në Tiranë.  Ky denoncim është bërë publik nga “BW” dhe mbanë datën 30 korrik 2018, ku oficer Nuhu pretendon se kushërinjtë Rraja e kanë kërcënuar me jetë duke i thënë se nëse nuk heq dorë nga hetimi i çështjes se Xhisieles do ta zhdukin brenda 24 orëve.

Nuhu pretendon se pak pas marrjes së denoncimit nga Xhisiela Maloku, njëri nga nipërit e deputetit i ka dërguar mesazh në celular oficerit me këto fjalë: “Çfarë ke me ne që po kruan kurrizin?! Ku të të vij të ta takoj pak nga afër?”

Takimi më pas ka vijuar tek lokal “Rich Mond”. Në dokument thuhet:

“Pasi u ula te lokali, ata kanë ardhur rreth 20 minuta pas meje. Më erdhën dy persona me një makinë Mercedez Benz të tipit S, ndryrë të zezë, targën nuk e fiksova dot dh u ulëm të tre në tavolinë. Ata m’u prezantuan si Redjan Rraja dhe Ramazan Rraja dhe se janë kushurinj të shtetasit Rexhep Rraja dhe me një ton zëri të lartë dhe të revoltuar më thënë: “Çfarë problemi ke me ne? Për çfarë e ke thirrur sot Xhensilën dhe e ke pyetur për ne?!”

Ndërsa oficeri ka tentuar t’u shpjegojë, u përgjigjën:

“Nuk na rruhet fare për ty që ke ardhur nga Berati dhe do të bësh ligjin në Fushë Krujë. Ne e shkrijmë të gjithë komisariatin dhe ty s’të kemi asgjë. Do të të zhdukim ty bashke me familjen po thirre njerin nga fisi jonë ta marrësh në pyetje. “Do të zhdukim ty dhe familjen tëndë për 24 orë nëse vazhdon të merren me dhe mos të të shohim më në Fushë Krujë. Ligjin në Fushë Krujë e bëjmë ne dhe jo ti.”