Heshtje për zhdukjen e provave, Edi Rama merr në mbrojtje Taulant Ballën

Heshti deri në momentin e zhdukjes së provave në Komisariatin e Fushë Krujës, sot e akuzoi edhe opozita, dhe kur pritej të përgjigjej për këtë denoncim publik që u bë nga ana e Partisë Demokratike, Edi Rama rrespektoi traditën e krijuar që nga viti 2013 kur erdhi në pushtet, mbrojti kriminelin.

Sot Kryeministri nuk tha nëse shefi i Grupit Parlamentar të Rilindjes ishte apo jo në Komisariatin e Fushë Krujës, nëse kishte marrë në mbrojtje ose jo djalin përdhunes të deputetit të PS, Rrahman Rraja, por Edi Rama kishte vendosur ta marrë në mbrojtje, Taulant Ballën.

E meqë është në pikun e fushatës “kundër shpifjes”, Edi Rama e përzgjodhi ironinë në mënyrë që mbrojtja e tij të ketë kuptim:

“Nëse Taulant Balla ka qenë në komisariat me armë, Lulzim Basha ka qenë në pushtet me votë dhe Saliu ka qenë në Hollivud për të luajtur Pretty Woman,” thekson kryeministri Edi Rama në rrjetin social Twitter duke shtuar Paketa Antishpifje e vetmja mënyrë që ky karagjozllëk i madh politik e mediatik të mos kthehet në një normalitet të turpshëm.

Ndoshta Paketa Antishpifje edhe mund të jetë e vetmja mënyrë që ky karagjozllëk i madh politik e mediatik të mos kthehet në një normalitet të turpshëm, por si do vete halli me Edi Ramën. Deri më sot as kirurgjia estetike nuk njehë qepjen e gojës, por edhe sikur ti qepet goja Kryeministrit, si do të jetojnë Rilindasit, që shpifjet e Edi Ramës i kanë edhe bukë edhe gjellë.

Ndryshe, para kë saj performance në  rrjetin social Twitter të Edi ramvs, Partia Demokratike akuzoi Policinë e Shtetit, për shkatërrim të provave dhe pamjeve të kamerave me Taulant Ballën në Komisariatin e Fushë Krujës.

Ja postimi i plotë:

Nëse Taulant Balla ka qenë në komisariat me armë, Lulzim Basha ka qenë në pushtet me votë dhe Saliu ka qenë në Hollivud për të luajtur Pretty Woman.

Paketa Antishpifje e vetmja mënyrë që ky karagjozllëk i madh politik e mediatik të mos kthehet në një normalitet të turpshëm.