Katër të vrarë pas shpërthimit të bombës në një dasmë

Pas shpërthimit të një bombe në një dasmë në Logar të Afganistanit, katër persona kanë mbetur të vrarë .

Zëdhënësi Shah Poor Ahmadzai, tha se shtatë persona tjerë ishin plagosur në të njejtën natë pas mesnatës.

Dhëndri dhe nusja shpëtuan nga lëndimet. Autoritetet kanë intervistuar dëshmitarët në shtëpi ku po mbahej ceremonia për të vazhduar hetimet.

Policia ka deklaruar se bomba ishte vendosur afër shtëpisë para fillimit të ceremonisë së dasmës.

Askush nuk ka marrë ende përgjegjësinë për sulmin.