Pastori Brunson takohet me Presidentin Trump në Shtëpinë e Bardhë

Presidenti Donald Trump përshëndeti kthimin në Washington të pastorit amerikan Andrew Brunson, raporton VOA.

Sot Presidenti Trump dhe pastori Brunson u takuan në Zyrën Ovale, pak orë pas mbërritjes së pastorit në tokën amerikane.

Presidenti Trump i tha zotit Brunson “ne kemi qenë duke biseduar gjatë dhe kemi bërë negociata të vështira ” për lirimin e tij duke shtuar se “ne nuk paguajnë shpërblim në këtë vend”.

Një gjykatë turke dje dënoi Brunsonin për lidhje me terrorizmin dhe e dënoi atë me vetëm tre vjet burg. Por gjykata e liroi pastorin ungjillor 50-vjeçar, pasi ai kishte kaluar gati dy vjet në paraburgim.

Presidenti Trump falënderoi Presidentin turk Rexhep Tajip Erdogan për kthimin e Brunsonit, i cili u lirua dje nga një gjykatë turke. Trump vuri në dukje se SHBA nuk negociuan një marrëveshje me Turqinë për lirimin e Brunsonit, duke thënë, “Unë nuk bëj marrëveshje për pengje.” Ankaraja gjithashtu ka kundërshtuar fuqimisht çdo sugjerim për një marrëveshje.

Lirimi i Andrew Brunson shënoi fundin e një mosmarrëveshjeje të ashpër diplomatike midis washingtonit dhe Ankarasë. Brunson përballej me 35 vjet burg nëse do të dënohej për terrorizëm dhe akuzat për spiunazh, që Washingtoni i quajti të pabaza.