Fondet Sekrete, Kotzias: Të ligjshme, e ftoj opozitën në zyrë ta sqaroj…

Pas deklaratës zyrtare të qeverisë greke edhe Ish-ministri i Jashtëm i Greqisë, Nikos Kotzias reagoi ndaj lajmit mbi shumat e mëdha që janë financuar për disa media dhe gazetarë në Shqipëri dhe Maqedoni, duke theksuar se ekziston një ligj i posaçëm për Fondet Sekrete dhe karshi të huajve nuk duhet të jemi joserioz:

“Nëse është e vërtetë, gjithçka që thuhet është sikur t’u tregojmë të huajve, se nuk jemi seriozë. Ne bëmë një ligj të posaçëm për Fondet Sekrete të cilat kontrollohen dhe miratohen nga një Këshill dhe shkojnë drejtpërdrejt në parlament,” tha i tensionuar Kotzias, i cili nuk sqaroi se kujt dhe si i janë dhënë këto Fonde për mediat shqiptare dhe maqedone, por ftoj opozitën, e cila e akuzon, që ti shkoj në Zyrë për sqarime:

“Debati që është hapur ditët e fundit nga opozita dhe një pjesë e medias synon pikërisht të godasë transparencën me fondet e ministrisë së jashtme. E ftoj kryetarin e opozitës të vijë në zyrën time dhe ta informoj sesi shpenzojmë çdo euro të taksapaguesve grekë,” tha Kotzias.

Ndryshe, ky skandal që ka prek edhe një pjesë të mediave dhe gazetarëve shqiptarë, të cilët vetëm gjatë muajit Tetor, sipas mediave greke, janë paguar me 1 milion euro, ka bërë që prokuroria greke të hap një hetim “për nxjerrje sekreti”; Që do thotë, lista me kode mbi pagesat për median dhe politikanë shqiptarë ekziston.

Ky Fond Sekret, sipas mediave greke, ishte vënë në dispozicion për të përpunuar opinionin shqiptarë për marrëveshjen që kanë bërë gati ministrat e Jashtëm, Bushati dhe Kotzias, ku pika më e nxehtë vazhdon të jetë ndarja e detit Jon, që tashmë konfirmohet edhe nga vetë Kotzias, që ëshë në favor të Greqisë.