Matthew Palmer vizitë zyrtare në Maqedoni

Zv/ndihmës  Sekretari amerikan për Çështje Evropiane, Matthew Palmer sot do të qëndrojë për vizitë zyrtare në Maqedoni.

Palmer pritet të zhvillojë takime kryeministrin Zoran Zaev dhe me ministrin e Punëve të Jashtme Nikolla Dimitrov, si dhe me përfaqësues të partive politike. Ministria e Punëve të Jashtme e Maqedonisë bën të ditur se në takim me Dimitrovin do të bisedohet për perspektivat euroatlantike të Maqedonisë, si dhe për gjendjen aktuale në vend dhe rajon.

Javën e kaluar, Ambasada amerikane në Shkup, paralajmëroi vizitën e Methju Palmer duke theksuar se do të bisedoj me kryeministrin e Maqedonisë rreth mbështetjes së SHBA-së për Marrëveshjen e Prespës midis Maqedonisë dhe Greqisë, si dhe për rëndësinë që të vazhdohet me agjendën reformuese të Maqedonisë.

Ndryshe, kjo është vizita e dytë e Zv/ndihmës  Sekretarit amerikan të Shtetit, Matthew Palmer  brenda këtij viti.