Armë dhe Kokainë/ E pranon edhe Policia: Po, është arrestuar vëllai i Arben Isarajt!
Policia e ka pranuar sot se gjatë operacionit të arrestimeve në mbrëmjen e së dielës, në pranga ka rënë dhe Altin Isaraj, vëllai i Drejtorit të Përgjithshëm të Shërbimeve të Transportit Rrugor, Arben Isaraj.
47 vjeçari është arrestuar për “trafikim të armëve dhe municioneve” dhe shpërndarje të lëndëve narkotike”
“Më datë 20.10.2018, u arrestua në flagrancë shtetasi A.I. vjeç 47, banues në Tiranë, për veprat penale parashikuar nga nenet 283/1 e 278/1 të Kodit Penal” informoi shkurt policia e Tiranës.
Ndërkohë gazetari Basir Çollaku qysh mbrëmë përmes një postimi në Facebook theksonte:
“Ditë arrestimesh që njoftohen me bujë por ka dhe nga ato ndalim-arrestimet që mbahen pak fshehur nga Forca e Ligjit. A është arrestuar dje në Tiranë, Altin Isaraj (vëllai i Arben Isarajt) për armëmbajtje pa leje dhe 0.6 gram kokainë?! A është dërguar për masë sigurie “arrest me burg”, kërkesa e prokurorisë?! A e kanë mbajtur fshehur policia sepse ka qenë ndërhyrje e madhe?!”
Ndryshe, Arben Isaraj ishte Zv/ ministër i Drejtësisë, dhe nga tetori i vitit 2017, me pushtimin e “tepsisë” u emërua në postin e Drejtorit të Përgjithshëm të Shërbimeve të Transportit Rrugor.
Ja postimi i plotë i Basir Çollakut:
Isaraj arrestim qe mbahet fshehur.. ?!?!
Dite arrestimesh qe njoftohen me buje por ka dhe nga ato ndalim-arrestimet qe mbahen pak fshehur nga Forca e Ligjit. A eshte arrestuar dje ne Tirane, Altin Isaraj (vellai i Arben Isarajt) per armembajtje pa leje dhe 0.6 gram kokaine?!?!? A eshte derguar per mase sigurie arrest me burg kerkesa e prokurorise?!?! A e kane mbajtur fshehur policia sepse ka qene nderhyrje e madhe ??!.
A ka nderhyrje per ta kthyer ne detyrim paraqitje me pretekstin se eshte i semure??!?!
A ka pasur sukses nderhyrja ne prokurori ndonese ajo kerkon arrest me burg?!?!
A ka pasur dhe ndalime te tjera te ngjashme keto dy muaj dhe eshte kerkuar detyrim paraqitje ?!?!
A ka gjykates ish drejtues ne drejtesi per te bere nder Isarajt??
