Ish-kryeprokurori i Krimeve të Rënda, Hajdarmataj, padit Kryeprokuroren Arta Marku

Ish-kryeprokurori i Krimeve të Rënda, Besim Hajdarmataj, ka paditur Prokuroren e Përgjithshme të Përkohshme, Arta Marku.

Padia është bërë në Gjykatën Administrative, pas urdhrit të Arta Markut për transferimin e Besim Hajdamatajt në Pogradec. Çështja do të gjykohet nga gjyqtari Avni Sejdini.

Ndryshe, Besim Hajdarmataj ishte në krye të Prokurorisë së Krimeve të Rënda kur Prokurorja e Përgjithshme e Përkohshme, Arta Marku e shkarkoi nga detyra dhe në vend të tij emëroi Donika Prelën.

Besim Hajdarmataj, prokurori që kërkoi arrestimin e Ish-ministrit të Brendshëm, Saimir  Tahiri, la edhe dosjen e Saimir Tahirit dhe të grupit të Habilajve.

Ndaj Prokurores së Përgjithshme të Përkohshme, Arta Marku, padi ka ngritur edhe prokurorja Sonila Muhametaj, të cilën Marku e transferoi në Pukë.