FOTO/ Studentët e presin Ramën me protesta në Torino, i kujtojnë Tahirin dhe Xhafajn

Kryeministri Edi Rama është përballur me një protestë në Itali, ndërsa prezantoi librin e tij “Kurbani”.

Gjatë aktivitetit në sallën “Blu”, në Torino, një grup të rinjsh, studentë, protestuan me pankarta dhe fotografi në lidhje me çështjen e ish- ministrit Saimir Tahiri, por edhe për vëllain e ministrit Fatmir Xhafaj.

“Pesë të rinj shqiptarë janë ndaluar dhe identifikuar pasi protestuan këtë mëngjes, ndaj Kryeministrit të Republikës së Shqipërisë Edi Rama, i ftuar në Panairin e Librit për prezantimin e librit të tij “Kurban”.

Incidenti ndodhi brenda Sallës Blu ku protestuesit, të gjithë shqiptarë që jetojnë jashtë Torinos, treguan disa fletëpalosje A4 me një pamje që tregonte një shtrëngim duarsh mes ministrit Marco Minniti dhe ministrit të Brendshëm të Qeverisë së Ramës.

Lidhur më incidentin, Rama ka thënë se ata nuk janë aktivistë por protestuesë që e ndjekin kudo duke ngritur pyetje pa vend.