Zyrtare/ Sandër Lleshi në krye të ministrisë së Brendshme si Zv/ministër

Pas seancës së posaçme për votimin e shkarkimit të ministrit të Brendshëm, Fatmir Xhafaj, kryeministri Edi Rama ashtu siç paralajmëroi në fjalën e tij ka mbledhur qeverinë dhe ka zyrtarizuar emërimin e Gjeneral Sandër Lleshit si Zv/ministër i Brendshëm.

Kryeministri ka postuar edhe në Instagram një foto me Lleshin duke shkruar:

“Me drejtuesin e ri të Punëve të Brendshme, gjeneral Sandër Lleshin, pas mbledhjes së qeverisë që vendosi emërimin e tij zv.Ministër i Brendshëm.”

Sandër Lleshi u emërua Zv/ministër i Brendshëm, pasi Presidenti Ilir Meta nuk e dekretoi propozimin e Edi Ramës për ministër të Brendshëm.