E duam Shqipërinë si gjithë Evropa!/ Ja si e don BE Shqipërinë: Pa Gjykatë Kushtetuese, me Dakon…

“Unë nuk shoh një problem!” Kështu shprehet Raportuesi për Shqipërinë në PE, Knut Fleckenstein, i pyetur për mungesën e Gjykatës Kushtetuese, ndërkohë opinionet e tij për Sandër Lleshin dhe Vangjush Dakon, dëshmojnë se ka ardhur koha të rishqyrtohet synimi kombëtar: E duam Shqipërinë si gjithë Evropa!

“Nuk është siutatë e mirë pa gjykatë Kushtetuese. Ne të gjithë e dimë por në këtë proces ka një lloj efekti domino, por unë nuk shoh një problem,” thekson Raportuesi Fleckenstein ndërsa i pyetur për akuzat e bëra nga opozita për kryebashkiakun e Durrësit, Vangjush Dako, ai thotë se nuk mund të thotë se çfarë është e drejtë e çfarë jo.

“Ju i dini më mirë se unë gjërat, por kam dëgjuar për këto akuza që bëhen për Vangjush Dakon, njëri thotë se është djalë i mirë e njëri se është i keq… unë besoj që nesër do të shkoj në shtëpinë time dhe nuk
jam gjyqtar për të gjykuar dhe duhet lejuar prokuroria të bëjë punën e vet. Nuk kam asnjë mendim për këtë sepse nuk mund të them unë se çfarë është e drejtë apo jo,” shprehet Raportuesi për Shqipërinë në PE, Knut Fleckenstein, i papërgatitur për të thënë nëse Vangjush Dako është djalë i mirë ose jo, por shterrues në sqarimin pse në raportet evropiane nuk përmenden krimi i organizuar dhe krim elektoral. Kur një njeri i këtij niveli Raporton për Shqipërinë atëherë raportet janë më shum se të mira.

Gjithashtu, Fleckenstein foli edhe për debatin lidhur me mosdekretimin e Sandër Lleshit si ministër i Brendshëm. OKB shpiku analfabet funksional, BE thotë se dëshirojnë një ministër të Brendshëm funksional.

“Nuk do të guxoja të mbaja anë këtu, por kemi një interes të përbashkët. Shqipëria dhe BE kërkon që të kemi një ministri të Brendshme që të jetë funksional. Dhe kur themi funksionale them ministër. Presidenti nuk ishte i bindur plotësisht dhe sot dëgjova se qeveria do t’ja japë të njëjtin propozim sërish. Se di çfarë arsyesh ka presidenti. Nuk e di se cila është gjëja e mirë apo jo. I njoh këta politikanë dhe shprehsoj se do të ketë një zgjidhje për këtë çështje,” tha Raportuesi për Shqipërinë në PE, Knut Fleckenstein, i cili përveç Dakos nuk e di se cila është gjëja e duhur, me ose pa Leshin ministër të Brendshëm, edhe pse në krah e kishte shefin e Zyrës së BE në Tiranë i cili detyrë parësore ka informimin e Brukselit për zhvillimet në Shqipëri.

Dhe në fund, për ti vënë kapakun kësaj paraqitje të çuditshme mediatike, Raportuesi Fleckenstein foli edhe për ngjarjen në Bularat:

“Sa i takon incidentit në Bularat, nëse mund ta quaj me këtë etiketim, nuk e di saktësisht së çfarë ka bërë ai djalë, por e di që ai ka bërë diçka… por nëse ishte e nevojshme për ta qëlluar apo jo, këtë unë nuk
mund ta them, por mendoj se nuk kemi nevojë për nacionalistë grekë që ta keqpërdorin këtë situatë. Nëse unë do të kisha fuqi dhe pozicion politik, nuk do ta shihja fare të nevojshme që të lejohej pala greke,
ambasadori grek, që të shikonte se çfarë ndodhte me situatën këtu e me procesin,” u shpreh njeriu që raporton për Shqipërinë pranë Parlamentit Evropian, duke e bërë të qartë se me shumë pak fjalë dhe fare pak kohë mund ta hartoj raportin e radhës, meqë asgjë nuk din dhe për asgjë nuk është i informuar.