Haradinaj: Lista Srpska mund të largohet nga qeveria, por taksa mund të rritet

Kryeministri Ramush Haradinaj, ka thënë se qëndrimi i Listës Srpska se mund të dalë nga koalicioni qeverisës pas vënies së taksës prej 10% është shprehje e vullnetit të tyre.

Haradinaj tha se kjo taksë edhe mund të rritet, pasi është pyetur se nëse mund të shfuqizohet vendimi i marrë.

“Sa i përket Listës Serbe është qëndrim i vullnetit të lirë të tyre politikë. Agjenda e Kosovës vazhdon. Është thënë, është thënë…për taksën, por edhe mund të rritet taksa mund të bëhet më e lartë”, ka shtuar ai.

Këto komente i bëri pas takimit që ka pasur së bashku me ministrat  e kabinetit qeverisës me Komisionin Parlamentar për Legjislacion, ku shtoi se procesi i liberalizimit të vizave nuk është anuluar, por që vështirësitë janë për të hyrë në agjendë