“Rroftë Dako, Rroftë PS”, Astrit Avdyli në Gjykatë: Aty i qaj hallet…

Gjatë seancës së apelimit të vendimit të masës së sigurisë, arrest me burg, Astrit Avdyli, një nga të arrestuarit e mega operacionit “Volvo 4”, është shprehur se hallet e tij qanë Partia Socialiste.

“Rroftë Dako, rroftë PS, aty i qaj hallet, ”deklaroi Astrit Avdylit në Gjykatën e Krimeve të Rënda aty ku kërkoi edhe lirimin e tij ndërsa për Ndokat tha se i ka njohur në burg.

“Ndokat i kam miq, i kam njohur në burg”, është shprehur ai para togave të zeza.

Ndryshe, 24 anëtarë të grupit të Shijakut dhe të Lezhës, duke përfshirë edhe dy ish deputetët socialistë Arben Ndoka dhe Arben Çuko kërkojnë sot lirinë në Gjykatën e Apelit të Krimeve të Rënda.

Më 24 tetor në Gjykatën e Shkallës së Parë në Lezhë dhe tek Krimet e Rënda në Tiranë nga 34 të arrestuarit si pjesë e operacionit ‘Volvo 4’, në burg u lanë 24 prej tyre. Ndoka dhe Çuko
patën kërkuar veçimin e dosjes së tyre nga bandat, por kërkesa nuk u pranua nga trupa gjykuese.