Përgënjeshtrohet Shkupi dhe Tirana zyrtare, Hungaria mohon se e ka ndihmuar Gruevskin

Zyra e Kryeministrit të Hungarisë, Victor Orban ka mohuar sot se ka ndihmuar në çfarëdo lloj mënyre Ish-kryeministrin e Maqedonisë, Nikolla Gruevski që të largohet nga Maqedonia.

Ky reagim vejn pasi mediat shqiptare dhe ato maqedone, duke ju referuar burimeve të policisë kanë raportuar se ai është larguar me ndihmën e diplomatëve hungarez.

Siç raporton МТI,  nga Zyra e kryeministrit Orban kanë përsëritur se Ish-kryeministri ka shprehur qëllimin që të aplikoj për azil në njërën nga misionet diplomatike, dhe se autoritetet kanë vendosur që për shkaqe sigurie, këtë aplikimi ta bëjë në Budapest, ku dhe do të intervistohet.

Procedurat, thekson Zyra e kryeministrit, do të kryhen sipas ligjeve hungareze dhe ndërkombëtare, duke shtuar se Gruevski po qëndron në Hungari në mënyrë legale, në përputhje me procedurat e azilit dhe autoritetet hungareze nuk do të japin detaje të tjera deri sa kjo procedurë të mos përfundoj.