E frikshme/ Qafë Thanë, autobusi me nxënës doli nga rruga nga pakujdesia e shoferit…

Një aksident i frikshëm por me fat ka ndodhur mesditën e sotme në Qafë-Thanë në aksin rrugor Pogradec-Perrenjas, ku një autobus me gjimnazistë nga Roskoveci ka dalë nga rruga, por për fat të mirë nuk ka të plagosur rëndë

Sipas policisë, shkak është bërë pakujdesia e shoferit dhe kushtet atmosferike.

Burime nga policia bëjnë me dije se autobusi ka dalë nga rruga,
ndërsa nxënësit janë shoqëruar në spital, por jashtë rrezikut për
jetën.

Njoftimi i policisë:

Mesditën e së premtes rreth orës 17:00, në Qaf Thanë, një autobuz i cili kishte pasagjerë disa gjimnazistë nga fshati Rroskovec i Fierit ka dalë nga rruga.

Si pasojë kanë pësuar gjendje paniku disa gjimnazistë të cilët pasi
janë vizituar në spitalin e Librazhdit janë nisur drejt banesave të tyre.

Policia bën me dije se ” Autobuzi me targe AA 723 OP me drejtues
shtetasin L. H, duke udhëtuar nga Korça në drejtim të Fierit, ku në
këtë autobuz udhëtonin nxënës të një shkolle të Rroskovecit, për
shkak të kushteve të këqija atmosferike dhe nga pakujdesia e
drejtuesit te mjetit ka dale nga rruga ku per pasojë u lënduan lehtë
shtetasit , L. V., 17 vjeçe, E.D. 15 vjeç, N. H. 17 vjeçe, .B. Q., 18vjeç, J. G., 17 vjeç, D.V., 17 vjeç, M.V., të cilët pas kontrollit mjeksor dhe marrjes së ndihmës së parë, janë larguar për në banesat e tyre.

Grupi hetimor po punon për zbardhjen e shkakut të aksidentit.