Sot në seancë plenare Buxheti dhe Sandër Lleshaj, para Kuvendit protestë e banorëve të Unazës së Re

Sot në seancën plenare e cila fillon në orën 10:00, Parlamenti i  Shqipërisë do të diskutoj 18 pika të Rendit të Ditës, ku vecohet pika 10. Projektligji “Për buxhetin e vitit 2019”, dhe ajo për zyrtarizimin e Sandër Lleshajt ministër si pikë e 14. e rendit të ditës: Dekreti i Presidentit të Republikës “Për emërim të ministrit të Brendshëm”

Ndërkohë, edhe pse si të mbartura për votim vazhdojnë të figurojnë Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”  dhe Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar””,  për miratimin e të cilave duhet shumica prej 3/5 e të gjithë anëtarëve të Parlamentit, opozita as sot nuk do të jetë pjesë e seancës plenare.

Ndërsa banorët e Unazës së Re që do të preken nga projekti i Unazës së Madhe kanë paralajmëruar zhvendosjen e protestës para Kuvendit, protestë të cilën e mbështetë edhe opozita.

Rendi i ditës

1. Miratimi i procesverbalit të seancës plenare të datës 15.11.2018

2. Njoftimi i projektligjeve të depozituara në Kuvend;

3. Projektligji “Për një ndryshim në ligjin nr. 9981, datë 8.9.2008, “Për miratimin e niveleve të tarifës doganore”, të ndryshuar […] (nenet 73-74 dhe 82 të Rregullores, votim me shumicë të thjeshtë)

4. Projektligji “Për disa ndryshime dhe shtesa në ligjin nr. 9975, datë 28.7.2008 “Për taksat kombëtare”, të ndryshuar […] (nenet 73-74 dhe 82 të Rregullores, votim me shumicë të thjeshtë)

5. Projektligji “Për disa ndryshime dhe shtesa në ligjin nr. 8438, datë 28.12.1998, “Për tatimin mbi të ardhurat”, të ndryshuar […] (nenet 73-74 dhe 82 të Rregullores, votim me shumicë të thjeshtë)

6. Projektligji “Për disa ndryshime dhe shtesa në ligjin nr.9632, datë 30.10.2006, “Për sistemin e taksave vendore”, të ndryshuar […] (nenet 73-74 dhe 82 të Rregullores, votim me shumicë të thjeshtë)

7. Projektligji “Për disa shtesa dhe ndryshime në ligjin nr.92/2014, “Për tatimin mbi vlerën e shtuar në Republikën e Shqipërisë”, të ndryshuar […] (nenet 73-74 dhe 82 të Rregullores, votim me shumicë të thjeshtë)

8. Projektligji “Për disa shtesa dhe ndryshime në ligjin nr.9920, datë 19.5.2008 “Për procedurat tatimore në Republikën e Shqipërisë”, të ndryshuar […] (nenet 73-74 dhe 82 të Rregullores, votim me shumicë të thjeshtë)

9. Projektligji “Për disa shtesa dhe ndryshime në ligjin nr. 61/2012, “Për akcizat në Republikën e Shqipërisë”, të ndryshuar […] (nenet 73-74 dhe 82 të Rregullores, votim me shumicë të thjeshtë)

10. Projektligji “Për buxhetin e vitit 2019” […] (nenet 73-74 dhe 82 të Rregullores, votim me shumicë të thjeshtë)

11. Projektligji “Për disa shtesa dhe ndryshime në ligjin nr. 10018, datë 13.11.2008, “Për Avokaturën e Shtetit” […] (nenet 73-77, Rregullore, votim me shumicë të thjeshtë)

12. Projektligji “Për ratifikimin e marrëveshjes së bashkëfinancimit, ndërmjet Këshillit të Ministrave të Republikës së Shqipërisë, të përfaqësuar nga Ministria e Shëndetësisë dhe Mbrojtjes Sociale të Shqipërisë dhe Fondit të Kombeve të Bashkuara për Popullsinë” […] (nenet 73-77, Rregullore, votim me shumicë absolute)

13. Projektligji “Për ratifikimin e marrëveshjes ndryshuese nr. 1 të marrëveshjes së huasë të datës 31.12.2012, ndërmjet Republikës së Shqipërisë dhe Bankës Evropiane për Rindërtim dhe Zhvillim (EBRD), për financimin e projektit të përmirësimit të sigurisë së digës në hidrocentralin e Komanit, ratifikuar me ligjin nr.103/2013” […] (nenet 73-77, Rregullore, votim me shumicë absolute)

14. Dekret i Presidentit të Republikës nr. 10.957, datë 16.11.2018 “Për emërim të ministrit të Brendshëm” […] (neni 98 Kushtetutë, neni 58 Rregullore, votim i hapur me shumicë absolute)

15. Miratimi i programit të punës së Kuvendit për periudhën 26 nëntor – 28 dhjetor 2018 (neni 26, pikat 5, 6 të Rregullores, votim me shumicë të thjeshtë).

16. Miratimi i kalendarit 3 javor të punimeve të Kuvendit për periudhën 3 – 21 dhjetor 2018 (neni 27, pikat 3, 4 të Rregullores, votim me shumicë të thjeshtë).

17. Të mbartura për votim:
– Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
– Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar””  (neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)

18. Diskutime për çështje jashtë rendit të ditës.