Unaza e Re/ Banorët protestë para Kuvendit, Edi Rama i pret me dhunë policore…

Banorët e Unazës së Re që preken nga projekti i Unazës së Madhe zhvendosën protestën para Kuvendit ashtu siç kishin paralajmëruar, por në momentin kur fjalimin e filloi Edi Rama në seancën plenare, filloi një shfrenim dhune i papritur nga policia, që nga mediat e kryeministrit u arsyetua me përpjekjen e protestuesëve për tu futur në seanën plenare të Parlamentit të Shqipërisë.

Protestuesit kanë hedhur kapsolla dhe tymues, ndërkohë kërkuan që kryeministri Edi Rama të dalë dhe të bisedojë me ta.

Protestë i janë bashkuar edhe deputetët e opozitës, të cilët ishin duke zhvilluar një takim për buxhetin.

Ndryshe, kjo është dita e 19-të e protestës së banorëve tek Unazës së Re që preken nga projekti i Unazës së Madhe, ku sipas paralajmrimeve paraprake të qeverisë do të shemben 317 godina banimi dhe biznese.