Spitali i Traumës/ Rama viziton policët e plagosur, banorët e Unazës së Re e qëllojnë me këpucë

Kryeministri Edi Rama, në përfundim të protestës së banorëve të Unazës së Re para Kuvendit, ka shkuar për të vizituar efektivët e policisë që mbetën të plagosur gjatë përplasjes me qytetarët.

Rama është pritur nga familjarët e protestuesve të plagosur, ku ka pasur dhe tension. Kur Kryeminsitri ka dalë është qëlluar me këpucë nga një banore e Unazës së Re. .

Pas këtij incidenti polcia ka shoqëruar protestuesit, ndërsa Kryeminsitri është larguar.

 Pas vizitës Rama ka reaguar me anë të një postimi në rrjetet sociale, ku shkruan se është i prekur thellë nga humbja e gishtave të dorës së policet Ina Nukut.

“I prekur thellësisht nga humbja e gishtave të dorës të Ina Nukut, policja 24 vjeçare e goditur sot në krye të detyrës dhe nga trishtimi i thellë i nënës së saj. Kjo protestë e turpshme e Antiligjit dhe Opozitës që kērkon mish për top, nuk ka asnjē shans të sfidojë ligjin e shtetin!”, shkruan Rama.

Ndryshe, kujtojmë që sot në protestën e banorëve të Unazës së Re të cilë preken nga projekti i Unazës së Madhe, situata u tensionua para Kuvendit, ku mbetën të plagosur disa qytetarë dhe disa efektive të policisë.