Ushqimet që na zgjasin jetën

Ka shumë faktorë që ndikojnë në jetëgjatësi, të cilët ne nuk i kemi nën kontroll, por ka shumë faktorë të tjerë që mund t’i vëmë në funksion të një jete më të shëndetshme e më të gjatë. Disa mënyra për të shtuar vite në jetën tonë janë aktiviteti fizik, gjumi, menaxhimi i stresit dhe dieta e shëndetshme.

Ushqimet që na zgjasin jetën

Familja e arrave, bajameve, lajthive, kikirikëve.

Dy studime të mëdha nga Shkolla e Shëndetit Publik të Harvardit zbuluan se sa më shpesh të haheshin këto produkte, aq më shumë ulej rreziku për të vdekur në moshë të re. Njerëzit që hanin arra, bajame, kikirikë etj kishin 20% më pak shanse të vdisnin nga kanceri, sëmundjet e zemrës dhe sëmundjet e frymëmarrjes. Ato përmbajnë yndyra të pangopura, fibra, folat, vitaminë E, kalium, magnez, kalcium dhe antioksidantë si karotenoidet dhe flavonoidet.

Drithëra

Shtimi i tyre në dietën tuaj ul me 9% rrezikun e vdekjes nga problemet e zemrës. Hulumtuesit besojnë se kjo mund të jetë për shkak të lëndëve ushqyese si fibra, vitamina B, vitamina E dhe magnezi.

Ushqime me erëza

Një studim i më shumë se 450,000 burrave dhe grave kineze zbuloi se ata që hanin ushqime me erëza 6 ose 7 ditë në javë kishin një rrezik 14% më të ulët të vdekshmërisë se ata që i konsumonin këto ushqime njëherë në javë ose më rrallë. Përbërja që i bën këto ushqime pikante, vepron si një antioksidant, lufton inflamacionin, mund të përmirësojë sheqerin në gjak dhe mund të luajë një rol në luftën kundër obezitetit dhe kancerit, thonë autorët e studimit.

Alga deti

Hulumtimet tregojnë se përbërësit e algave kanë efekte kundër kancerit