Edi Rama në Pejë/ Reagimi, Beqiri: Padishahu i vetëshpallur Rama, i papranueshëm dhe arrogant!
“Sjelljet dhe fjalët prej arroganti, e të papranueshme të “Padishahut” të vetëshpallur Rama, janë të tilla, sa herë vjen në Kosovë e madje edhe kur nuk është në Kosovë. Kjo nuk është hera e parë.” Kështu reagon Sekretari i Përgjithshëm i LDK, Ismet Beqiri pas asaj çfarë u pa nga takimi i djeshëm mes dy qeverive të Republikës së Kosovës dhe asaj të Shqipërisë në Pejë duke uruar që të harrohet sa më shpejtë.
“Kosovës më së paku i duhet mësim, nga ai që i ka punët PUS në shpi të vet. Sa për të dhe sojin e tij, kufinjët e Kosovës na i kishin bërë ”sallatë”. Fjalori i tij më së miri tregon kush është ai, ia tham apo jo me emër,” tha Ismet Beqiri përmes rrjetit social Facebook duke shtuar se nuk do të përsëritet lidhur me veprimet e tij skandaloze që nuk ia vlen më u marr me to.
“E këtyre zyrtareve tonë, zoti iu ndihmoftë…që nuk ishin në gjendje me ia”përplasë” në fytyrë shumë gjëra atij, edhe pse i mungon fytyra por megjithatë është dashur të flasin, por kush,” tha Sekretari i Përgjithshëm i LDK, Ismet Beqiri duke shpresuar se pas një dite, pasi kanë marrë pak frymë nga ”puna”e madhe që kanë bërë, i kanë pa sjelljet, fjalët, arrogancën, prepotencën.
Ja postimi i plotë
Të dashur miq,
Ajo çfarë u pa nga takimi i djeshëm mes dy qeverive të Republikës së Kosovës dhe asaj të Shqipërisë urojm të harrohet sa më shpejtë.
Sjelljet dhe fjalët prej arroganti, e të papranueshme të “Padishahut” të vetëshpallur Rama, janë të tilla, sa herë vjen në Kosovë (besa edhe kur nuk është në Kosovë).
Kjo nuk është hera e parë.
Ata që kanë dashur ta shohin këtë, kanë mund ta shohin edhe herave tjera.
Nuk po i përsëris, unë kam thënë mendimin tim për të, për veprimet e tija skandaloze,nuk ia vlen më u marr me to.
E këtyre zyrtareve tonë, zoti iu ndihmoftë…që nuk ishin në gjendje me ia”përplasë” në fytyrë shumë gjëra atij, edhe pse i mungon fytyra por megjithatë është dashur të flasin, por kush?!
Shpresoj që pas një dite, pasi kanë marrë pak frymë nga ”puna”e madhe që kanë bërë, i kanë pa sjelljet, fjalët, arrogancën, prepotencën
Kosovës më së paku i duhet mësim, nga ai që i ka punët PUS në shpi të vet.
Sa për të dhe sojin e tij, kufinjët e Kosovës na i kishin bërë ”sallatë”.
Fjalori i tij më së miri tregon kush është ai, ia tham apo jo me emër…
I.Beqiri
