Lubonja: Merkel mund të thotë PO e Macron JO!

BE e ka lënë Shqipërinë pezull. Kështu shprehet analisti Fatos Lubonja në emisionin “Studio e Hapur”, pas përfundimit të vizitës së kryeministrit Edi Rama në Berlin, duke shtuar se sikur edhe Merkel ti thotë PO hapjes së negociatave është Macron që mund të thotë JO.

“Deri tani jemi të informuar vetëm nga mediat pasi nuk kemi informacione nga andej. Unë e fus edhe Tahirin në këtë çështjen e negociatave. Nuk është aq e thjeshtë sa të thuhet ‘fut Tahirin në burg që të marrësh negociatat’. Atë e fut drejtësia në burg dhe këta dhe ata e dinë. Unë them që edhe kjo ideja që ‘po tha Merkel po” është e prerë, nuk qëndron më. Thotë ajo PO, por Makron thotë JO, etj. Mendimi im është që ata na kanë lënë pezull. Është më shumë JO se PO për mua,” thekson Lubonja.

Për qeverisjen e Ramën, ai tha se BE nuk duhet t’i japë oksigjen, por një ultimatum..

“Është antishqiptare ta futësh Shqipërinë në këtë gjendje dhe t’i japësh frymëmarrje kësaj qeverie që duhet ndëshkuar. Me arrogancën e këtij kryeministri që shkon dhe atje dhe na thotë të gjuthëve “kazan”. Si mund ti japësh këtij frymëmërrje dhe për më shumë. Ky ka nevojë për ultimatum dhe jo konfirmim”  thekson Fatos Lubonja.