Dita e Flamurit/ Urimi, Haradinaj: Kjo ditë na mbanë bashkë si komb….
Kryeministri Ramush Haradinaj ka uruar festën e flamurit, 28 Nëntorin duke thënë se kjo ditë shënon rimëkëmbje, na kujton se kush jemi dhe e mban kombin të bashkuar.
“Sot, jemi NJË në zemër, ashtu siç ishim e do të jemi gjithmonë. Dita e Flamurit, shënon rimëkëmbjen tonë, na kujton nëpër shekuj se kush jemi dhe na mbanë bashkë si komb. Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar,” thekson në urimin e tij Kryeministri i Kosovës duke shtuar:
“28 Nëntori i bekuar, është historia e lavdishme dhe synimi për të ardhmen e përbashkët në vlerën euro-atlantike,” shprehet Ramush Haradinaj duke përfunduar:
Urime festa e përjetësuar ndër shqiptarë!
Ja postimi i plotë:
Të nderuar bashkëkombas,
Sot, jemi NJË në zemër, ashtu siç ishim e do të jemi gjithmonë.
Dita e Flamurit, shënon rimëkëmbjen tonë, na kujton nepër shekuj se kush jemi dhe na mbanë bashkë si komb.
Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar.
“28 Nëntori” i bekuar, është historia jonë e lavdishme dhe synimi ynë për të ardhmën e përbashkët në vlerën euro-atlantike.
Urime festa e përjetësuar ndër shqiptarë!
RH
