Miratimi i buxhetit 2019/ Reagimi, Basha: U legjitimua vjedhja e popullit dhe pasurimi i oligarkëve…

“Sot organizata kriminale e rilindjes ka kaluar buxhetin që legjitimon zhvatjen e taksave tuaja dhe pasuron një grup oligarkësh.” Kështu u shpreh kryetari i Partisë Demokratike, Lulzim Basha, pas miratimit të  buxhetit vetëm me votat e maxhorancës duke shtuar se ky është një buxhet kriminal i rilindjes që pasuron oligarkët dhe varfëron njerëzit në nevojë:

“Dy janë karakteristikat e këtij buxheti që u legjitimuan sot. Karakteristika e parë është se  në qeverisjen e Ramës,  97 për qind e qytetarët paguajnë më shumë taksa. Është fakt se  nga xhepat tuaj 1.9 miliardë euro më shumë me taksa më të rritura dhe më tatime më të larta dhe rritjes se çmimeve,” tha Lulzim Basha duek konstatuar se kjo rritje e taksave nuk ka sjell asnjë ritje ekonomike.

“Është fakt se  kjo rritje galonpande taksave, nuk ka sjell asnjë rritje ekonomike. Vendi është futur në një cikël krize, nga mbyllja e bizneseve, dhe nuk ka shembull më të trishtë sesa përditësimi i sotëm i shifrave të falimentit të biznesit të vogël. Sot që flasim, 60% më shumë biznese kanë mbyllur qepenat këtë vit në krahasim me vitin e kaluar. Mbi 73 mijë biznese të mbyllura që kur Rilindja ka ardhur në pushtet që prekin 150 mijë familje shqiptare. Ky është rezultat i drejtpërdrejt i frymës mbytëse për ekonominë që ka shkaktuar qeveria e Edi Ramës.”

Të gjithë ata që kanë marrë koncesione nga qeveria e Ramës, kryetari i PD i paralajmëroi .

“Ta harrojnë që do ti gëzojnë parat që kanë marrë apo ato që duan të marrim. Partia Demokratike është vendosur për të bërë ligjin anti-mafia për koncesionet e PPP-të.  Thirrini mendjes ju dhe bankierët, hiqni dorë nga PPP, asnjë nuk do të lejohet, pavarësisht emrit dhe mbiemrit, dhe të shkuarës në politikë. Paratë tuaja do të merren dhe do ti shkojnë sërish buxhetit. Mos u bëni njësh me kusarin se duke vjedhur paratë ë shqiptarëve,” tha kryetari i Partisë Demokratike duke i bërë thirrje shqiptarëve që të luftojnë për të drejtat e tyre dhe i garantoi se opozitën do ta kenë gjithmonë në krah.

“Le ta kthejmë këtë buxhet në epitafin dhe gurin e varrit ë rilindjes. Shikoni në sy fëmijët tuaj, luftoni për ta luftoni për të ardhmen e tyre, ata nuk do të dorëzohen dhe opozitën do ta kenë gjithmonë në krah.”