Haradinaj me shqiptarët e Veriut të Kosovës: Qeveria e përkushtuar me shqetësimet e banorëve!
Kryeministri i Kosovës, Ramush Haradinaj ka pritur sot në një takim përfaqësuesit e shqiptarëve të komunave të veriut të Kosovës ku është informuar për situatën aktuale dhe nevojat që kanë shqiptarët në këto komuna.
“Kam pritur disa nga përfaqësuesit shqiptarë të komunave të veriut të Kosovës. Në takim u njoftova për bashkëjetesën mes komuniteteve në këtë pjesë të Kosovës, gjendjen aktuale dhe nevojën e mbështetjes institucionale për mirëqenien e qytetarëve në këto komuna,” thekson Ramush Haradinaj përmes rrjetit social Facebook ndërsa përfundon:
“Bashkëbiseduesit i sigurova se Qeveria është e përkushtuar që të jetë sa më afër banorëve atje për të adresuar shqetësimet e tyre”
Ja postimi i plotë:
Kam pritur disa nga përfaqësuesit shqiptarë të komunave të veriut të Kosovës. Në takim u njoftova për bashkëjetesën mes komuniteteve në këtë pjesë të Kosovës, gjendjen aktuale dhe nevojën e mbështetjes institucionale për mirëqenien e qytetarëve në këto komuna. Bashkëbiseduesit i sigurova se Qeveria është e përkushtuar që të jetë sa më afër banorëve atje për të adresuar shqetësimet e tyre.
