Pas zgjidhjes së parë/ Nikolla: Për tri pikat tjera, dialog; Studentët: S’ka negociata. Duam arsim falas…

Këshillat Studentorë e kishin bërë të qartë se anulimi i VKM është një kërkesë e panegociueshme  por ministrja e Arsimit me heqjen e Nenit 4 nga VKM, për tarifën për provimet e bartura të studentëve vlerësoi se kemi të bëjmë me një arritje ku mund të vazhdjë dialogu por studentët e kanë bërë të qartë se nuk janë në protesta për të negociuar por për të plotësuar katër pikat që vëshirësojnë jetë dhe studimin e tyre.

Pas publikimit të lajmit se është anluluar Neni 4 nga VKM, Lindita Nikolla doli edhe në një tjetër dalje publike duke theksuar se kjo shërbeu për të kuatuar se sa pak informacion u jepet studentëve.

“Kjo protestë e studentëve tregoi se sa pak informacion ka për studentët. Ndaj më shumë se sa rëndësi për të shfuqizuar pikën 4, shërbeu si një katalizator për një debat brenda studentëve. Kam marrë një kërkesë nga këshillat studentor, që për tre pika te tjera të ngrihet një grup pune dhe të vendosim se çfarë do të bëhet,” tha Nikolla duke sqaruar se këtë vendim e merr qeveria nërkohë tarifat i vendos vetë universiteti dhe jo ministria.

Por kjo nuk kishte kurrfarë rëndësie për studentët të cilët vazhduan të protestojnë duke kërkuar arsim falas dhe jo negociata.

“Nuk ka negociata”, “Ne nuk dorëzohemi”, dhe “Arsim publik falas”,  janë thirrjet e studentëve edhe pas daljes së radhës së ministres së Arsimit, Lindita Nikolla

Studentët e pranojnë se tarifa për provimet e mbartuar ishte kvrkesa kryesore por duhet të plotësohen edhe kërkesat tjera. Dhe jo vetëm”

.”Ne duam shkresë zyrtare me katër kërkesat dhe nuk tërhiqemi. Të përgjysmohen tarifat!”