Berisha: Famijet mafioze kanë nisur përplasjet, ja ç’kërkon PD me largimin e Xhafajt…

Sali Berisha, ish-Kryeministër, deklaroi mbrëmjen e sotme se ka denoncuar faktin se Agron Xhafaj merrej me trafikun e drogës. Berisha solli në vëmendje edhe kundërshtitë e tij lidhur me faktin e emërimit të Fatmir Xhafaj në krye të reformës në drejtësi, si dhe reagimin e Kryeministrit Edi Rama.
Berisha tha se tashmë përplasjet mes familjeve mafioze Tahiri dhe Xhafaj janë të hapura, ndërsa Edi Rama është gjithmonë aktiv në këto përballje.
“Agron Xhafaj ia ka mbyllur gojën Edi Ramës me 1.3 milionë euro, se tashmë është fakt i njohur që Edi Rama i merr me çanta dhe me strajca”, tha Berisha.
Ish-Kryeministri deklaroi se nuk është koiçidencë fakti se video-përgjimi ka dalë vetëm pak ditë pasi Saimir Tahiri dorëzoi mandatin e deputetit.
“Një familje mafioze është përplasur me një tjetër familje mafioze, ndërsa opozita është në një rol historik, roli i opozitës është shkallmimi i këtyre familjeve.
Gjithë energjitë që ka opozita i ka përqëndruar kundër krimit dhe Edi Rama është kapoja e krimit.
Ne kërkojmë rikthimin e shtetit ligjor në Shqipëri dhe kjo realizohet duke rrëzuar Edi Ramën një orë e më parë.
Ne kërkojmë largimin e Xhafajt se ai është një familje mafioze me një potencial ekonomik që ka kufio vetëm qiellin”, tha Berisha.
Sipas tij, familjet mafioze kur janë në zyrat e shtetit janë hanxharë të lemeritshëm duke shtuar se objektivi i opozitës është një Shqipëri e çliruar nga mafia dhe narko-shteti.
“Fatin e shqiptarëve e përcakton barkosi, çfarë po ndodh me euron sot? Është një narko-euro që lumturon gjer në qiell baronët e drogës, mjeron me mijëra e mijëra shqiptarë, rrënon me qindra kompani eksporti”, tha Berisha.