Bruksel,nis takimi Kosovë-BE në kuadër të Këshillit të MSA

Ka nisur në Bruksel takimi i Kosovës me Bashkimin Evropian në kuadër të Këshillit të Stabilizim Asociimit, MSA.

Ramush Haradinaj do ta kryesojë këtë takim ku, ndër të tjera, pritet të diskutohet edhe tema jashtë rendit të zakonshëm të këtij Këshilli. 

Kryeministri Haradinaj do të përballet me BE-në edhe për taksën e vendosur ndaj Serbisë. Raportohet se do të jenë zyrtarja e Lartë e BE-së, Federica Mogherini si dhe komisioneri Johannes Hahn.

Pikërisht këta dy përfaqësues të BE-së edhe dje kishin hedhur firmën në një letër për Haradinajn, ku kërkohej heqja e taksës ndaj Serbisë, në këmbim të largimit të emërtimit “UNMIK” për Kosovën në CEFTA.

Qeveria Haradinaj kishte refuzuar të jepte ndonjë qëndrim më të detajuar lidhur me këtë letër, por kishin përsëritur se taksa qëndron dhe qëndrimet e Qeverisë janë ato të deritashmet.

Sidoqoftë, edhe Serbia do të zhvillojë takimin e njëjtë me BE-në për MSA-në. Takimi i Ana Brnabiç me BE-në do të mbahet nesër.