Hi për sytë e studentëve, Edi Rama prezanton vendimet e qeverisë por jo plotësimin e 8 kërkesave

Nuk është se priste njeri që të dëgjoj nga Kryeministri ndonjë vendim të paparë pas mbledhjes së qeverisë ku tha se në fokus të saj ishin studentët, por Edi Rama e vërtetoi se Edi Rama vetëm për propagandë është mjeshtër

Foli për mbledhjen e qeverisë, për katër vendime dhe siç tha ai, qeveria ka marrë vendim që të paguajë tarifat e një game të madhe kategorish studentësh, duke filluar nga ata mesatare të lartë tek shtresat në nevojë.

“Jo vetëm për kresat e tyre, por dhe aspekte të tjera që janë vendosur në vëmendjen tonë, si element përmbajtjesor. Kemi hartuar dhe një pakt tjetër për universitetin dhe do ta bëjmë publik në median e muajt të ardhshëm. Kemi marrë vendime për kërkesat e studentëve, por dhe që shkojnë dhe përtej tyre. Kemi maksimalizuar potencialin e universitetin për ta futur në një transformim tjetër. Kemi miratuar katër vendime të këshillit të ministrave, për ata që do të përfitojnë ulje të tarifave të shkollimit,” tha Edi Rama që besoj se përveç Mirela Kumbaros dhe Sandër Lleshajt që kanë aftësi të ngjashme komunikimi, nuk është s e e ak puptuar njeri në tokën shqiptare.

Tarifat e Studimit

Këto katër vendime që lidhen me kërkesën e parë, shpjegohen konkretisht: së pari kemi studentët nga familje me ndihmë të verbët, para e tetraplegjikë që marrin 100% të tarifës dhe po ashtu, studentë të të njëjtës kategori që do të marrin bursë prej 10 mijë lekësh të reja. Dua të theksoj që një bazë për të mbështetur tarifën 100% ka qenë por për shkak të shumë devijimeve që janë konstatuar në këshillat bashkiakë është vendosur që kjo të bëhet direkt nga qeveria për çdo student të këtyre kategorive.

Studentët me notë mesatare mbi 9 në çdo program studimi do të marrin financimin 100% nga qeveria të tarifës së regjistrimit, nga tarifë e plotë që paguanin. Në çdo program studimi do të kenë bursë prej 10 mijë lekë të reja.

Studentët me notë mesatare mbi 9 në çdo program studimi do të marrin financimin 100% nga qeveria të tarifës së regjistrimit, nga tarifë e plotë që paguanin. Në çdo program studimi do të kenë bursë prej 10 mijë lekë të reja

Së treti do ti japim një mundës të barabartë të gjithë studentëve duke paguar 50% të tarifës direkt nga buxheti me pranimin në universitet, që e paguanin të plotë të regjistrimit, të gjithë studentët për pjesën e mbetur të këtij viti akademik edhe me 4 e 5 nuk do paguajë por do të paguajë buxheti i shtetit për ta, kurse në vitin e ardhshëm akademik të gjithë ata që nuk do jenë me mesatare 6 e sipër do humbasin çdo mbështetje financiare.

Në nivelin e dytë të studimeve, qeveria do paguajë vetëm për ata me notë mbi 9, ata me ndihmë ekonomike, të verbër, tetraplegjikë, jetimë, policëve të vrarë dhe grupeve vulnerabël, 50% të tarifës.

Vendimi hyn në fuqi menjëherë, në janar të gjitha detyrimet që burojnë nga këto vendime do ti mbulojë qeveria. Ana tjetër e kërkesës lidhet me konviktet, aktualisht, kemi 8 shoqëri për akomodimin e studentëve, marrin mbështetje buxhetore nga shteti dhe në të njëjtën kohë janë shoqëri që kanë nevojë për reformim të thellë për të cilën ne po punojmë.

Ndryshe, studentët me 8 kërkesat e tyre kanë vazhduar të theksojnë se nuk ka dialog por vetëm plotësim të tyre ndonëse kryeministri Edi Rama ka vazhduar me kërkesën për tu ulur në negociata.