Premtimi Rama 8+ / Reagimi, Basha: Mashtrim i plotë!
Pas publikimit të vendimeve nga ana e Kryeministrit lidhur me kërkesat e studentëve, reagoi kryetari i Partisë Demokratike, Lulzim Basha, duke i quajtur të gjitha ato që tha Edi Rama mashtrim i plotë.
“Ai nuk ka asnjë plan dhe vullnet për të ndryshuar gjendjen e studentëve, cikërrimat dhe mashtrimet me të cilat doli sot janë riciklim i atyre që ka thënë gjatë këtyre ditëve nuk zgjidhin asnjë nga problemet e thella me të cilat përballen studentët, tha që do i bëjë konviktet brenda mandatit, por konviktet nuk janë unaza,” tha Lulzim Basha duke shtuar se për daljen nga kjo situatë janë dy rrugë. E para, anulimi i Ligjit për Arsimin e Lartë:
“Drama e arsimit është kjo: paguhet më shumë se në Evropë dhe kanë cilësinë më të dobët. Hapi i parë, anulimi i ligjit dhe hartimi i një ligji për arsimin e lartë ne konsultime me pedagogë, ku të mëshirohen standardet e Evropës. Demokratizim dhe jo centralizim, më shumë autonomi, rol më i madh për pedagogët e studentët. Një rikonceptim i mënyrës si do të rritet cilësia e mësimdhënies në universitete. Rritja financiare nuk con në përmirësim të cilësisë. Mbështetje për infrastrukturën akademike që sot është në ditën e saj më të zezë, rankimi i universtiteteve. Janë kolona për një Ligj të arsimit të lartë,” tha kryetari i PD ndërsa foli edhe për rrugën e dytë të zgjidhjes së kësaj gjendje kriminale në të cilën ndodhet arsimi:
“Dyfishimi i buxhetit për arsimin e lartë. Rama nuk tha sot një të vërtetë që totali i buxhetit për arsimit është afërsisht 2 mln $ cfare do zgjidhi me kaq?”
Fatura totale e propozimit të PD-së e zbatuar me numrin aktual të studentëve në universitete publike dhe e projektuar sipas të ardhurave që ka matur Censusi dhe INSTAT, sipas tij, është 38 mln dollarë.
“Nuk po futemi në shpenzimet e planifikuar për PPP. Janë 30 mijë dollarë më shumë që të gjitha familjet me të ardhura të pakta që të mos paguajnë asnjë dollarë për familjet e tyre,” tha Kryetari i PD, Lulzim Basha duke premtuar se nga muaji Janar, PD do të nisë konsultimet me pedagogët dhe me studentët për hartimin e një ligji të ri, që i jep fund favorizimit të Universitete Private, ndërsa përfundoi” “Detyra jonë është tu tregojmë shqiptarët se si vidhen paratë, por edhe rrugën që vjedhja të ndalë dhe taksat e shqiptarëve të shkojë aty ku ka nevojë më shumë vendi. Hapi i parë është largimi një orë e më parë i kësaj bande.”
