Masakër në Elbasan/ 3 të vdekur për pazare droge

Pas përplasjes me armë zjarri në Elbasan, shkon në tre numri i viktimave. Humbin jetën dhe dy të plagosurit e tjerë.

Përplasja me armë zjarri ka ndodhur afër Metalurgjikut, rreth orës 21:15. Shtetasi kolumbian me inicialet E.K, Indrit Alibej dhe Arben Dylgjeri kanë qenë të shoqëruar nga familjarët, kur pranë makinës së tyre me targa italiane është afruar një makinë tjetër nga e cila është qëlluar me breshëri plumbash.

Fillimisht Indrit Alibej dhe Arben Dylgjeri, të dy nga Elbasani, janë transportuar në spital, por për shkak të plagëve të rëndë kanë ndërruar jetë.

Shkak paraprak i atentatit dyshohet se kanë qenë pazaret e drogës jashtë vendit, pasi këta persona kanë vetëm pak ditë që kanë ardhur në Shqipëri.

Forcat Speciale, RENEA E FNSH janë nisur drejt vendngjarjes.