Kritikat e senatorit Romney, përgjigjet Presidenti Trump

Presidenti i SHBA, Donald Trump iu përgjigj kritikave të ashpra të senatorit republikan, Mitt Romney, duke thënë se do të donte që zoti Romney të përqëndrohej në sigurinë e kufirit dhe në shumë gjëra të tjera ku mund të jetë i dobishëm, raporton VOA.

Mitt Romney, senator i ardhshëm i shtetit Juta dhe ish kandidat presidencial i republikanëve në zgjedhjet e 2012-s, vuri në shënjestër politikat dhe karakterin e Presidentit Trump në një shkrim për gazetën Washington Post duke theksuar se Presidenti Trump “nuk ka arritur të ngrihet në nivelin e postit që mban”.

Presidenti Trump u përgjigj sot me një koment në Twitter, ku mes të tjerash thoshte se ai arriti një fitore të madhe në zgjedhje, ndryshe nga kandidati Romney që nuk fitoi.

“Bëhuni një pjestar i ekipit dhe fitoni!” e këshillon Presidenti Trump senatorin e zgjedhur.