Vetëdorëzohet Klement Balili! Avokatët e tij deklarojnë…

I shumëkërkuari Klement Balili është vetëdorëzuar në Policinë e Shtetit. Ljami u konfirmua edhe zyrtarisht vetëm pasi lajmin e bëri publik Ish-Presidenti Sali Berisha përmes rrjetit social Facebook.

Gjithashtu, njëri nga avokatët e tij, Baftijar Rusi është shprehur për TCH se klienti që  ai mbron është paraqitur vetë në Polici. Ndërkohë që mësohet se ai ndodhet aktualisht në ambientet e policisë së Shtetit, në shoqërinë e avokatit tjetër, Theodhori Sollaku.

Balili, i njohur edhe si “Eskobari i Ballkanit” akuzohet nga prokuroria për trafik ndërkombëtar droge në kuadër të grupit të strukturuar kriminal. Ai ka qenë person në kërkim nga policia shqiptare prej më shumë se dy vitesh, dhe nuk është vënë në pranga, ndonëse policia ka organizuar disa herë aksione per gjetjen e tij.