Konsumoni më shumë fruta dhe perime në dimër

Dimri kërkon një përkujdesje të veçantë ndaj shëndetit për shkak të temperaturave të ulëta. Gjatë këtyre ditëve të janarit është shumë me rëndësi që të konsumoni më tepër fruta dhe perime.

Duhet të përpiqeni të konsumoni së paku 3 porcione frutash dhe perimesh çdo ditë. Po ashtu konsumoni frutat e thata dhe farat për më shumë magnez, zink dhe minerale të tjera.

Karotat, domatet, patatet,spinaqi, panxhari, brokoli dhe rrepat- kanë shumë ndikime pozitive për shëndetin në dimër.

Duhen zgjedhur fruta të pasura me vitaminë C, si agrumet, dhe me vitaminë E, që ndodhet te gruri, frutat e thata, vajin e ullirit dhe patatet.

Perimet e dimrit si karotat, lakrat, patatet,  mund të konsumohen në formë sallate, të gatuhen supë po ashtu mund të gatuhen në avull.