Mbledhja e parë e Kryesisë së PD. Ja vendimet…

Kryesia e Partisë Demokratike zhvilloi mbledhjen e konstituimit ku mori edhe vendimet e para. Sekretari i ri i Përgjithshëm i Partisë Demokratike, Gazment Bardhi, u shpreh se në mbledhje u diskutua lidhur me protestat që do të organizojë opozita ndërsa ditën e nesërme, do të mblidhet Kolegji i Kryetareve në PD për këtë çështje e më pas edhe kryesia, për të vendosur se kur do nisin protestat dhe si do zhvillohen.

“Siç jeni në dijeni sot ishte, mbledhja e parë e konstituimit të kryesisë së Partisë Demokratikë. Në zbatim të vendimit të Këshillit Kombëtar të Partisë Demokratikë që ngarkoi kryesinë e re me organizimin e protestave popullore me qëllim largimin e qeverisë së Edi Ramës, sot kryesia ka diskutuar mbi strategjinë e protestave që do ndjekë PD dhe opozita për realizimin e kësaj vendimmarrje të Këshillit Kombëtar.”

Më pas Bardhi foli edhe për vendimet:

“Vendimi i kryesisë se PD-së është që nesër në 11 të thërrasë mbledhjen e Kolegjit të Kryetareve, një organ i ri statusor i PD-së për të diskutuar paraprakisht me ta mbi strategjinë e protestave që duhet të ndiqen dhe më pas gjatë pasdites do ketë një mbledhje tjetër të kryesisë së PD-së mbi detajet dhe strategjinë e protestave që do ndjekë opozita. Ky ishte vendimi i kryesisë, nesër ne 11 do të mblidhet kolegji i kryetareve që do diskutojë formën e protestës, datën e protestës dhe detaje që lidhen me protestën dhe me zbatimin e vendimit të këshillit kombëtar,” tha Gazment Bardhi në përfundim të mbledhjes së parë të kryesisë së re të PD.