Deklasifikohen 600 mijë dokumente SEKRETE në DPA

Drejtoria e Përgjithshme e Arkivave, DPA, ka bërë të ditur sot se ka përfunduar tërësisht procesi masiv i deklasifikimit të dokumenteve që kanë qenë të sigluara  SEKRET.

Prej ditës së sotme, DPA njofton të gjithë studiuesit, se do të mundet të aksesohen  lirisht më shumë se 48 mijë dosje dhe 600 mijë dokumente nga viti 1945-1993, nga fondet e Presidiumit të Kuvendit Popullor, Kryeministrisë, Fondet personale të Enver Hoxhës dhe Hysni Kapos, Fondet e ish-arkivit të Partisë, Fondet e ministrive, të Prokurorisë së Përgjithshme, Gjykatës së Lartë dhe të organeve tjera qendrore.

Proçedura e deklasifikimit, për të cilin kanë punuar gjatë vitit të kaluar një staf prej arkivistëve më të mirë në vend, është ndjekur me rigorozitet dhe siguron që dokumentet që kishin mbetur të deklasifikuara prej kohësh pa asnjë arsye reale, por vetëm sepse nuk ishte ndjekur proçedura e nevojshme burokratike, do të jenë të aksesueshme për të gjithë studiuesit.

Kështu, krahas modernizimit, Drejtoria e Përgjithshme e Arkivave duke krijuar kushte më të mira me sallën e re të studimit, ka siguruar edhe njëherë studiuesit se do të gjejnë një shërbim të shpejtë e cilësor në AQSH