Seanca plenare/ Edi Rama në Gjermani, Ish-Presidenti: U kthye me bisht ndër shalë…

Edi Rama shkoi në Gjermani dhe u kthye me bisht ndër shalë. Kështu u shpreh Ish-Presidenti Sali Berisha sot si folësi i parë në seancën plenare duke shtuar se atje kryeministrit Rama nuk iu dha asnjë takim, iu ofrua një takim për ti dhënë një mesazh, të cilën ai kurrë nuk do t’ua thotë ju.

“Edvin Kristaq Rama i vuri çelësin parlamentit, vrapi në Berlin për të hapur ekspozitën e tij të shkarravinave, Fuga dhe sugari Cakaj hapën lajmet se lideri i tyre, idhulli i tyre do takohej me Angela Merkel dhe kryesorët e Gjermanisë. Shkoi u kthye me bisht ndër shalë, nuk iu dha asnjë takim, iu ofrua një takim për ti dhënë një mesazh, të cilën ai kurrë nuk do t’ua thotë ju, e kam fare të sigurta se nuk është zor të monitorosh atë, në qarqet ndërkombëtare flitet për njeriun patologjik. Berlini e priti me rumorin e njeriut të sëmurë psikik, e përcolli me rumorin e njeriut patologjik.”

Me këtë rast Ish-Presidenti kërkoi sqarime se me ç’motiv iu vu dryni Kuvendit ditën e enjte:

“Mirë ju që jeni ushtarë të tij, por shqiptarët që e urrejnë gjer në palcë, urrejtja po rritet si temperatura në ethet e malaries, asgjë nuk e shpëton Edvinin tuaj, ndaj dhe mundësisht na jep pak sqarime me ç’motiv i vutë drynin Kuvendit ditën e enjte, punon njeriu gjithë javën vjen e gjen drynin se i sëmuri patologjiku si po e quajnë rëndom ndërkombëtarët do të shkonte që mes shkarravinave…”