Shpërthen zjarr, humbin jetën 10 futbollistë në Brazil

Dhjetë futbollistë të klubit të futbollit Flamengo kanë humbur jetën në një zjarr i cili shpërtheu në kampin e trajnimit në Rio de Janeiro, raporton BBC.

Zjarri shpërtheu në momentin kur lojtarët e ekipit të të rinjve ishin në gjumë në kampin Ninho de Urubu.

Me këtë rast kanë mbetur të lënduar edhe tre persona, por ende nuk raportohet se cila është shkalla e lëndimit të tyre.

Sipas mediave lokale, zjarri shpërtheu rreth orës 5:10 dhe zjarrfikësit arritën ta lokalizojnë vetëm për dy orë.

Asnjëri prej viktimave nuk është identifikuar vetëm mësohet se në kamp po qëndronin të rinjë të moshës 14 deri në 17 vjeç. Të lënduarit janë dërguar në spital. Shkaqet e zjarrit ende nuk dihen.