Mandati!

nga Agim Popoci

Kur Kryeministri nuk respekton mandatin dhe nuk i nënshtrohet më Parlamentit por krimit, kur Parlamenti nuk kryen më funksionin kushtetues dhe i dorëzoi mandatin një njeriu të vetëm, kur Opozitës legale në këtë Parlament i mohohet fjala, kur Opozita nuk e kryen dot më funksionin në këtë Parlament Antikushtetues, prezenca e saj në Parlament më nuk ka më kuptim.

Edi Rama preu malin e mandatit të Parlamentit që i përcakton Kushtetuta, dhe kur Opozita merr këta dru për toke që i ka palu Rama për ta ndezur zjarrin me mandatin e tyre që nuk i hynë në punë më as dreqit, ndërkohë që i ftohti ka kapluar vendin dhe po krijon akullnaja gjithandej nga pushteti kriminal, kryeministri Edi Rama çuditet. Si digjet Mandati!

Kori i Edi Ramës shtoi radhët madje me këta zëra të shëmtuar që filluan të kakarisin se sa e lehtë na qenka të zëvendësohet kjo Opozitë e cila vendosi të djegë mandatet në sistemin diktatorial që krijoi i pari i socialistëve, që i nënshtrohet krimit dhe jo Parlamentit.

Po ç’është ky mandati! Cili është mandati i Parlamentit, Qeverisë dhe Opozitës; A digjet, apo Opozita duhet të pyes diktatorin nëse duhet djegur apo jo mandatin e saj! 

Mandati  /lat.ex. manu datum – lexo shqip: të japësh nga dora/ simbolizon funksionin në një sistem politik demokratik, të cilin me votë, elektorati i jep anëtarit të pushtetit legjislativ. Me këto mandate që elektorati i beson përfaqësuesve të vetë themelohet Parlamenti. Në botën moderne ky institucion ka pushtetin legjislativ.

Parlamenti, që vjen nga fjala franceze “parler” që do të thotë “diskutim”, dhe për herë të parë është përdorur në Anglinë dhe Francën e mesjetës, kishte rolin këshilldhënës të sundimtarit. Në bazë të parlamentit ka marrë emrin edhe forma e demokratike shoqëroro-politike që njihet edhe si sistem westsminster në pas në Westminsterit londinez ku është Parlamenti i Britanisë së Madhe.

Pushteti ekzekutiv i nënshtrohet atij legjislativ, përkatësisht përfaqësuesit e saj politikisht janë përgjegjës ndaj përfaqësuesve të pushtetit legjislativ. Në këto sisteme, siç është dhe ky i yni, shef i shtetit kryesisht ka rol simboik, dhe sa i përket funskionimit të pushtet nuk ka ndonjë dallim thelbësor në mes të monarkisë  palamentare dhe republikës parlamentare.

Ndërsa shefi i qeverisë është përgjegjës dhe varet nga parlamenti. Ai funksionin e tij mund ta ushtroj vetëm nëse ka besimin e parlamentit. Kur ky besim vjen në dyshim, bëhet votëbesimi i qeverisë. Nëse humb besimin, jep dorëheqje dhe emërohet i mandatuari për formimin e qeverisë së re ose shpallen zgjedhjet reja parlamentare.

Këtë e kishte të qartë Edi Rama që kur ishte në Opozitë ashtu si edhe mandatin të që kishte Qeveria me sistemin ekzistues, dhe filloi rrugëtimin e tij për krijimin e një sistemi diktatorial, plan ky që po e realizon me devotshmëri.

Me ardhjen në pushtet, duke vendosur një lloj legjitimiteti të cilin ia krijoi pushteti si fuqi e nënshtrimit të njerëzve me urdhra e tij të mirëmenduar, ai nuk e kishte ndërmend të krijoj një lloj stabiliteti, përkatësisht konsolidimi dhe vazhdimësie për vendosjen e një legjitimiteti normal ashtu si edhe garantimin e miratimit të shumicës së njerëzve  që të ndjekin qeverinë e zgjedhur. Mandatin që kishte, Edi Rama e kishte më shumë se të qartë ashtu si edhe mandatin që i dha në krye të Parlamentit të Shqipërisë, policit të fundit të diktaturës së Enver Hoxhës, Gramoz Ruçit.   

Duke u mburrur me 1 milion shuplaka, kryeministri Edi Rama nuk e kishte ndërmend ti jap llogari e aq më pak ti nënshtrohet Parlamentit.

Ndërkohë asaj që në botën moderne quhet Opozitë dhe nënkupton të gjithë individët, grupet dhe organizatat të cilët për shkaqe politike ose ideologjike  kundërshtojnë ata që përfaqësojnë pushtetin përkatësisht regjimin në një shtet, sapo mori mandatin e Kryeministrit, Edi Rama u bëri të qartë:

S’keni parë gjë akoma!

E keqja nuk ishte se këto fjalë po i thoshte një person i ç’ekuilibruar, por e  zeza e këtij vendi ishte se edhe Opozita e vlerësoi asgjë më shumë se sa fjalë të një personi të tillë, ndërkohë ai kishte mandatin e kryeministrit në xhep. Dhe jo vetëm kaq!

Edi Rama nuk është se nuk e dinte që Opozita ekziston në sistemet demokratike dhe për parim ka lirinë e mendimit dhe tubimit; Por Rama e dinte se Opozitës mund të mos i lejohet të ekzistoj dhe të veproj. Do të quhet Opozitë ilegale, pak rëndësi ka për Edi Ramën, pak rëndësi ka ashtu si edhe fakti që sistemin të cilin ai drejton do të quhet autoritar dhe totalitar, sepse ishte e qartë se ai nuk kishte ardhur për ta qeverisur këtë vend në mënyrë që të përparoj, të shfrytëzohet arritja atlantike që i kishte dhuruar SHBA, dhe integrimi evropian që ishte në zhvillim e sipër. 

Pasi mori mandatin e kryeministrit, Edi Rama goditjen e parë i dha mandatit të Opozitës e më këtë edhe të Parlamentit, duke zhdukur lirinë e mendimit. Me veprimet politike, Opozita u mundua ti kujtoj kryeministrit Edi Rama se ai është institucion kushtetuese dhe se lideri i opozitës ka të drejta të veçanta dhe detyrime që kanë të bëjnë me këshillimin me përfaqësuesit e pushtetit rreth vendimeve të rëndësishme, por Kryeministrit fillimisht me kryeparlamentarin Ilir Meta dhe sot me Gramoz Ruçin gajazeshin, duke shtuar zullumin.

17 Majin 2017, Edi Rama e quajti shërbim që po i bënte Opozitës dhe jo vendit, ndonëse për kryetarin e PD, Lulzim Basha ishte një sakrificë e madhe në kulmin e karrierës së tij. Të gjithë ata që e njohnin mirë Edi Ramën si piktor, basketbollist, kryebashkiak, kryetar partie dhe së fundi kryeministër u zhgënjyen pse Lulzim Basha u ul dhe arriti Marrëveshje për tu nisur drejtë një të ardhme ndryshe, me zgjedhje të lira dhe të ndershme duke mbyllur sytë para Shqipërisë së kanabizuar të cilën e kishin braktisur rreth 500 mijë njerëz.

Por, Edi Rama nuk kishte ndryshuar, ishte po ai vitit 2000, kur me çdo mjet erdhi në krye të bashkisë dhe vjedhi vota në çdo zgjedhje për të ngelur në atë post me atë mandat. Dhe jo vetëm kaq!

Për dy vjet me radhë, përbuzi Lulzim Bashën pse pranoi të dal nga “Çadra e lirisë” me një Marrëveshje për hir të vendit , sepse Edi Rama kishte tjetër mandat, që u konfirmua me zë dhe me figurë, nga krimi i organizuar dhe korrupsioni.

Në këto kushte, kur zgjedhje të lira dhe të ndershme Edi Rama nuk mendon të organizoj, kur Parlamenti nuk e kryen mandatin kushtetues që ka, kur Opozita nuk e realizon dot lirinë e mendimit dhe tashmë as të tubimit, rrugë tjetër nuk ka. Para se të krekoset me mandatin e Opozitës që ka futur në xhep, Lulzim Basha dhe Opozita e Bashkuar i dhanë sot një mundësi të dytë.

Po, mandatin e Opozitës mund ta fut në xhep, por mandatin e djegur! Me këtë mandat ai do të bëhet pis, shumë madje.

Deri dje Opozita ishte e ligjshme dhe merrte leje për tu shprehur, madje edhe për tubime, ndonëse pak minuta pas përfundimit të tubimit, që nga viti 2013 kur mori mandatin e Kryeministrit, ai me pabesi dhe terror, i keqtrajtonte dhe  arrestonte protestuesit.

Sot Edi Rama me mandatin e tij nuk ia arriti qëllimit edhe pse nuk ka më Opozitë parlamentare dhe 500 mijë shqiptarë që janë larguar nga Shqipëria sepse nuk mendojnë si ai.

Nuk pa parë gjë akoma…