Temperatura -11 °C, ARRSH: Kujdes, ja ku rekomandohen zinxhirët…

Pas reshjeve të borës që zbritën deri në bregdetin e Durrësi dhe një nate me temperatura deri në -11 °C që krijuan ngrica në rrugë, Autoriteti Rrugor Shqiptar, ARRSH, duke dhënë informacionin e fundit mbi situatën e akseve rrugore në vend, bënë thirrje për kujdes dhe rekomandon aksin ku përdorimi i zinxhirëve është i domosdoshëm:

Njoftimi:

Në Qarkun Korçë gjate natës reshjet e dëborës u ndërprenë. 

Temperaturat kanë qenë të ulëta -11 gradë. 

Kompania e mirëmbajtes ka qenë në punë për pastrimin e rrugës dhe shpërndarjen e kripës.

Qarkullimi bëhet pjesërisht me zinxhir – Qafa e Qarrit Korçë-Ersekë.

Kalimi në rrugën e Dardhës bëhet me zinxhir.

Në Veri qarkullohet pa probleme. 

Rekomandohet përdorimi i zinxhirëve vetëm në km e fundit të aksit Ura e Cerenecit- Steblevë.