Aksidenti i rëndë, një i vdekur dhe dy të plagosur. Ja emrat…
Ka ndërruar jetë në spital një nga tre të rinjtë që mbetën të plagosur rëndë në aksidentin që ndodhi në në orët e para të mëngjesit, në aksin rrugor Krujë – Fushë Krujë.
Aksidenti i rëndë ndodhi në afërsi të fshatit Kamberas, ku një mjet tip fuoristradë ka goditur bordurën e një pike karburanti. Të plagosurit u transportuan me urgjencë në Spitalin e Traumës në Tirane, por i riu, Altin Vogli, nuk i mbijetoi dot plagëve të rënda.
Ndërkohë në gjendje kritike vijojnë të jenë shoferi Ilir Gega dhe pasagjeri tjetër, Dorjan Hifi.
Policia ka nisur hetimet për zbardhjen e shkaqeve të aksidentit.
