Beteja para Parlamentit/ Sot Edi Rama cakton seancë plenare, Opozita protestë…
Pas paralajmërimit të djeshëm të Edi Ramës me përfundimin e mbledhjes së kryesisë së PS, se Parlamenti do të vazhdoj punën, sot shoku Gramoz mbledhi Konferencën e kryetarëve për të caktuar për orën 17:00 zhvillimin e seancës plenare ndonëse ky nxitim nuk arsyeton përmbajtjen e Rendit të Ditës.
Po, quhet seancë plenare, ka 12 Pika të Rendit të Ditës, dhe janë vetëm dy Pika që mund të quhen të rwndësishme por jo që nuk i pret puna deri të enjten kur dhe është orari standard i seancave plenare.
Në Pikën 6. të rendit të ditës është parashikuar Projektvendimit “Për miratimin e strukturës organizative të Këshillit të Lartë Gjyqësor” strukturë kjo që miratohet me shumicë të thjeshtë, dhe nuk ka kaluar ende në Parlament vetëm për shkak të bllokimi të jetës parlamentare nga kryeministrit Edi Rama përmes shokut Gramoz.
Ashtu si edhe Pika 7. Projektvendim “Për miratimin e strukturës organizative të Këshillit të Lartë të Prokurorisë”, që gjithashtu miratohet me shumicë të thjeshtë.
Pikat tjera të Rendit të Ditës dhe manipulimi i opinionit publik me nxitimin që i bënë mazhoranca çështjeve në fjalë, është edhe një argument më shumë për Opozitën se nuk ka se çfarë kërkojnë në këtë Parlament i cili është bërë si bar-kafe e Edi Ramës.
Ndërkohë pas spostimit të seancës plenare për sot në orën 17:00, Opozita ka spostuar gjithashtu edhe orarin e protestës dhe sot ajo zhvillohet para Parlamentit të Shqipërisë, por me fillim në orën 16:30.
Beteja për kthimin e parlamentit në duart e shqiptarëve vazhdon. Ndryshe ky është Rendi i Ditës i parashikuar nga Edi Rama:
