Protesta e Opozitës/ Policia e Edi Ramës procedon 32 protestues. Amnistohet dhuna shtetërore…
Policia e Tiranës ka proceduar penalisht, Sekretarin e Përgjithshëm të PD-së, Gazment Bardhi, me arsyetimin se ai ishte organizatori i protestës së 16 marsit, si dhe 33 pjesëmarrësit e e protestës, që sipas policisë, tentuan të hyjnë në godinën e Parlamentit.
“Veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor. Janë proceduar në gjendje të lirë dhe 11 persona te tjerë, ndërsa 7 shtetas janë shpallur në kërkim. Është proceduar penalisht gjithashtu shtetasi G.B., organizator i protestës së zhvilluar në 16 mars 2019”, thekson Policia.
Edhe pas analizës së pamjeve filmike, vërehete se policia vepron me urdhëra politik, ndryshe shumë nga efektivët e policisë sot do të ishin në pranga si për gjuajtjen e gazitlotësjellës në trupin e protestuesve ashtu edhe keqtrajtimit dhe rrahjes së tyre edhe kur ata ishin të neutralizuar nga ky gaz. Ja dhe pamjet që vetëm policia e Ish-Gjeneral Sandër Lleshajt nuk i ka pa:
Njoftimi i policisë
33 të proceduar për aktet e dhunës në protestën e 16 marsit para parlamentit
Policia e Tiranës nën drejtimin e Prokurorisë së Rrethit Gjyqësor Tiranë ka arrestuar 14 shtetas, për veprime të dhunshme mbi institucionet kushtetuese, mbi Policinë dhe për shkatërrimin e pronës gjatë zhvillimit të protestës së opozites Partisë Demokratike dhe Lëvizjes Socialiste për Integrim më datë 16.03.2019.
Veprimet proceduriale janë kryer në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor. Janë proceduar në gjendje të lirë dhe 11 persona te tjerë, ndërsa 7 shtetas janë shpallur në kërkim.
Është proceduar penalisht gjithashtu shtetasi G.B., organizator i protestës së zhvilluar në 16 mars 2019.
Janë sekuestruar në cilësinë e provës materiale rreth 130 kapsolla te ndaluara si të rrezikshme për jetën.
Janë arrestuar për konsumimin e elementëve të veprave penale “Organizimi dhe pjesëmarrja në grumbullime dhe manifestime të paligjshme”, “Goditje për shkak të detyrës”, “Kundërshtim me dhunë të punonjësit të policisë”, “Prishje të rendit dhe qetësisë publike” dhe “Mbatja dhe përdorimi i lëndëve plasëse”, shtetasit:
- R., 19 vjeç
- B., 41 vjeç
- B., 33 vjeç
- S., 33 vjeç
- D., 35 vjeç
- Rr., 40 vjeç
- B., 31 vjeç
- B., 22 vjeç
- B., 37 vjeç
- S., 21 vjeç
- Gj., 24 vjeç
- K., 19 vjeç
- B., 33 vjeç
- Z., 20 vjeç.
Po punohet për identifikimin, kapjen dhe vënien para përgjegjësisë ligjore të personave të tjerë që kanë kryer veprime të dhunshme gjatë protestës së djeshme.
Materialet proceduriale do t’i referohen Prokurorisë së Rrethit Gjyqësor Tiranë, për veprime të mëtejshme.
