“1 prej 5 milionëve”/ Beograd, protestuesit: Nëse nuk plotësohen kërkesat, më 13 Prill e gjithë Serbia në këmbë!
Protesta në Beograd “Një prej pesë milionëve” edhe këtë të shtune filloi nga Fakulteti Filozofik për tu nisur drejtë Televizionit publik të Serbisë, RTS, ku u mbajtë “Ditari i Serbisë së lirë”.
I pari e mori fjalën aktori Branisllav Lluçiç ku rrëfeu për atë që i kishte ndodhur dje në qytetin e Llazarevcit:
“Mu afrua një grua dhe më sjell gazetën, për të cilën kisha dhënë intervistë para 28 viteve, ku kisha dhënë arsyet e mia pse i mbështesë protestat. Arsyet nuk kanë ndryshuar fare, e lufta ima vazhdon që 28 vjet. Që tre muaj vazhdojnë protestat dhe kemi tri kërkesa: dorëheqjen e kreut shtetëror, dorëheqjen e udhëheqjes së RTS dhe REM dhe kërkesa e tretë është mundësia e mbajtjes së zgjedhjeve të ndershme. Nëse këto kërkesa nuk plotësohen, e gjithë Serbia më 13 prill do të ngrihet në këmbë, që tu tregoj këtyre pushtuesve se çfarë mendon për pushtetin e tyre,” tha Lleçic, pas fjalës së të cilit u intonua himni i Serbisë dhe më pas u mbajtë një minutë heshtje për viktimat e bombardimit të Serbisë më 1999.
Me këtë rast Branisllav Lleçiç e lexoi fjalimin e Gjeneral Sreto Malinoviçit të cilin ai e kishte mbajtur para ushtarëve më 24 mars 1999, e më pas edhe Malinoviç iu drejtua qytetarëve.
“Tani para juve kam më shumë siklet dhe frikë se sa atëherë në vitin 1999 kur e kisha të qartë se me çfarë fuqie do të luftojmë. Falemnderit që më keni fryëmzuar për të luftuar në tjetër mënyrë,” tha Gjeneral Milanoviç i cili ashtu si edhe protestuesit “1 prej 5 milionëve”, për këtë luftë nuk ndryshonin me Presidentin e Serbisë, Aleksandar Vuçiç, dhe konsideratën për Kosovën si “Djepi i Serbisë”.
Duke përfunduar protestën, Branisllav Lleçiç rikujtoi të pranishmit se kjo është një protestë qytetare dhe pa dhunë, dhe i luti të pranishmit që të mos jenë agresiv.
Ndryshe, protesta e parë e qytetarëve të pakënaqur të Beogradit është zhvilluar më 8 Dhjetor me moton “Stop kmishave të përgjakura” pas sulmit ndaj liderit të së Majtës së Serbisë, Borko Stefanoviç në Krushevc, më 23 nëntor. Protestuesit kërkuan të zbulohen urdhërdhënësit për sulmin ndaj Stefanoviçit, vrasjes së Oliver Ivanoviçit dhe tentimvrasjes së gazetarit Milan Jovanoviç. Më pas janë shtuar edhe kërkesat për shkarkimin e Drejtorit të Përgjithshëm të RTS dhe publikimin e Planit për zgjidhjen e çështjes së Kosovës. Kjo protestë është mbështetur nga pedagogët e Fakultetit të Shkencave Politike, Fakultetit Filozofik, Fakultetit të Arteve etj.
