WANTED në Londër/ 37 më të kërkuarit, 3 prej tyre shqiptarë. Ja emrat…
Policia e Londrës ka nisur një fushatë, ku fytyrat e 37 personave në kërkim, qarkullojnë në dy automjete. Mes tyre janë edhe tre shtetas shqiptarë, Anton Krasniqi, Bledar Zefi dhe Marjo Marku.
Mediat britanike raportojnë se shumica prej tyre janë në kërkim pasi akuzohen për krime që kryesisht lidhen me vjedhje dhe grabitje me dhunë.
Fytyrat e tyre do të shfaqen publikisht në dy automjete, për të ndihmuar autoritetet në gjetjen e tyre, duke inkurajuar personat që kanë dijeni të japin informacion.
“Këta shkelës të ligjit kanë grabitur, vjedhur ose mashtruar komunitetin, udhëtarët dhe turistët brenda Londrës, shpesh duke përdorur dhunë dhe armë, për fitimin e tyre financiar”, tha kryeprokurori Jim Corbett duke shtuar se ata po i ndjekim vazhdimisht shkelësit e dhunshëm per ti sjell para drejtësisë, por nevojitet edhe ndihma e publikut.
“Një telefonatë mund të zgjidh ose edhe të parandaloje një krim,” tha Kryeprokurori Jim Corbett.
Por, cilët janë tre shqiptarët më të kërkuar nga policia britanike?
Bledar Zefi
28 vjeçari kërkohet në lidhje me një numër të lartë vjedhjesh në Londër, ndërmjet marsit 2016 dhe janarit 2018. Deri më tani, të paktën 6 vjedhje përmbajnë autorësinë e tij, përkatësisht më 25 mars 2016, 12 shtator 2017, 26 shtator 2017, më 1 dhjetor 2017, më 30 dhjetor 2017 si dhe më 11 janar 2018.
Marjo Marku
30 vjeçari kërkohet pasi është përfshirë në të paktën 4 vjedhje në ndërtesa banimi, ku janë marrë para dhe stoli të çmuara. Vjedhjet e tij datojnë nga 22 shkurti 2017, duke vijuar më 1 mars dhe më 2 korrik të po atij viti dhe më 10 janar të vitit 2018.
Anton Krasniqi
38 vjeçari kërkohet në lidhje me dy vjedhje përkatësisht më 25 maj 2015 dhe 20 gusht 2016, në në Woodhall Drive, Dulwich si dhe një vjedhje në Allison Grove, Dulwich, më 23 shtator 2017. Ai kërkohet gjithashtu në lidhje me një vjedhje në fshatin Dulwich më 15 tetor 2017.
Policia britanike ka bërë thirrje që kushdo që ka ndonjë informacion në lidhje me këta individë të kërkuar kërkohet të kontaktojë policinë në 999 ose policinë lokale duke telefonuar 101. Në mënyrë alternative thirret Crimestoppers në mënyrë anonime në 0800 555 111 ose cicëroj @MetCC me ndonjë informacion.
Ja këta janë 37 personat më të kërkuar në Londër.
