“Opozita e Edi Ramës”/ Kujtim Gjuzit nuk i pritet, Sekretari i Përgjithshëm i KQZ: Ngeli nëpër korridore…
Kryetari i Partisë Konservatore dhe tashmë kandidat në pritje për të marrë mandatin e deputetit të “Opozitës së Edi Ramës”, Kujtim Gjuzi, është përfshirë sot në një debat të pazakontë me Sekretarin e Përgjithshëm të KQZ-së, Ylli Merkaj.
Kujtim Gjuzi është ankuar se ekspertët e KQZ-së e lënë të presë në hollin e KQZ-së, ndërkohë që është shprehur se kërkon të marrë mandatin e deputetit dhe s’mund të presë procedurat që po zvarriten.
Por kryetari i Komisionit Qendror të Zgjedhjeve, Klement Zguri e ka këshilluar Sekretarin e Përgjithshëm të KQZ-së t’i presë të gjithë personat, por në një “shpërthim” të momentit, Ylli Merakaj tha se, Kujtim Gjuzi rri çdo ditë në korridoret e KQZ-së dhe se s’mund të merret me të çdo ditë, pasi ka dhe punë të tjera.
Debati në KQZ
Klement Zguri: Ne jemi zyrtarë të shtetit, takimet zhvillohen sa herë që ato do kërkohen. Nuk po i hyjë se kush ka qenë rasti konkret.
Illir Merklaj: Unë e shoh çdo ditë zotërinë (Kujtim Gjuzin) nëpër korridoret e KQZ-së. Tani kemi dhe punë të tjera, s’mund ta presim çdo sekondë dhe t’i japim…
Kujtim Gjuzi: E para unë s’nxitoj për të marrë diçka zoti Sekretar i Përgjithshëm i KQZ. Nëse vartësit tuaj më thonë na prisni në holl, unë këtë s’mund ta pranoj se jemi në zyrat e shtetit shqiptar. Kryetari e bëri këshillimin e tij dhe unë e falënderoj këtë.
Unë do vijë ditë për ditë në KQZ nëse ka shqetësime për ato që ju thoni për vonesat në listat e kandidatëve. Ju prisni që 140 deputetët që do shkojnë në Parlament, ju doni ta çoni deri në fund të vitit, por ne s’mund të presim kështu.
