Takimi Palmer-Rama, Kryeministri jep detaje…

Përkundër pritshmërisë së lartë të qytetarëve të Shqipërisë për takimin 90 minutësh të Kryeministrit Edi Rama me Zv/Nd.Sekretarin amerikan të Shtetit, Matthew Palmer, deri në fund të vizitës së Zyrtarit të lartë amerikanë në Tiranë, shqipëtarët duhet të mjaftohen vetëm me detajet që jep Kryeministri lidhur me bisedën e zhvilluar mes tyre.

Përmes një postimi në rrjetin social Twitter, Edi Rama bënë të ditur se mes tyre u fol për marrëdhëniet e shkëlqyera SHBA-Shqipëri, integrimin europian të Shqipërisë, dialogun Kosovë – Serbi  dhe situatën politike në vend.

“Marrëdhëniet e shkëlqyera bilaterale, integrimi europian i Shqipërisë, dialogu Kosovë-Serbi dhe situata politike në vend, në një bashkëbisedim të frytshëm që na gjeti në dakordësi të plotë me Zv/Nd.Sekretarin e Shtetit, Mathew Palmer,” thekson Kryeministri Edi Rama.

Ndryshe, Zv/Nd.Sekretari amerikan i Shtetit, Matthew Palmer pas takimit me Kryeministrin Edi Rama nesër pritet të zhvilloj takime me Kryetarin e PD, Lulzim Basha, me Kryetaren e LSI, Monika Kryemadhi dhe rreth orës 17:30 Zyrtari i lartë amerikan do të pritet në Presidencë nga Ilir Meta.