Rikthimi i vizave/ Parlamenti i Holandës, Rama: Vendim politik i një procesi elektoral!
Shpërthimi i çmendur i kryetarit të Grupit Parlamentar të PS, Taulant Balla me ison e Zv/kryeministrit Erion Braçe dje kundër Parlamentit të Holandës sot zbuloi edhe shkaktarin. Jo që e vuri njeri në dyshim, por sot Kryeministri Edi Rama duke i vulos të dy deklaratat e çmendura, u mundua nga foltorja e Parlamentit ti bindë shqiptarët se këtu nuk ka krim por holandezët thjeshtë po bëjnë fushatë elektorale. Dhe jo vetëm kaq! Sipas Edi Ramës, shqiptarët janë zgjedhur nga disa parti në atë vend, si një kokë turku për retorikën agresive izolacioniste në raport me Bashkimin Europian dhe kundër politikës europiane të zgjerimit.
“Më duket e udhës që ti kthehem vendimit të parlamentit holandez por duke e parë atë nga sfondi i një feste absurde që u zhvillua në oborrin e opozitës në Tiranë si rezultat i atij vendimi. Një festë fyese dhe pa e ekzagjeruar aspak përbuzëse për njerëz zakonshëm të këtij vendi në kushte kur ai vendim u përcoll nëpër kanalet televizive dhe nëpër ato digjitale si të ishte fundi i lëvizjes së lirë të shqiptarëve.
Ndërkohë që është një vendim thjesht dhe vetëm politik në vazhdën e një procesi elektoral në një vend si Holanda ku nuk është sekret, ka një zhvillim të vazhdueshëm të një politike intensivisht kundër zgjerimit, kundër emigrantëve, intensivisht kundër shqiptarëve.”
Për ata që kish mallë për Enver Hoxhën, jo vetëm nga pozat por edhe nga fjalët, kishin rastin të dëgjojnë për armiqtë e jashtëm që gjithë ditën e vrasin mendjen se çfarë ti bëjnë shqiptarëve:
“Shqiptarët janë zgjedhur nga disa parti në atë vend si një kokë turku për retorikën agresive izolacioniste në raport me zhvillimet përtej kufjive të Holandë, në Bashkimin Europian dhe agresive kundër politikës europiane të zgjerimit.”
Qeveria holandeze nuk ka dhënë shenjë se do të marrë hapin në kushtet e një fushate elektorale ku këto tema dhe shqiptarët janë bërë mish për top për partitë që duan vota dhe shkelnin me këmbë dinjitetin e shqiptarëve pa dashur tia dijnë, ti drejtohen KE.”
Dhe për të pëmbyllur atë që tha Balla dhe Braçe, nuk harroi as opozitën:
“E pagëlltitshme është festa në Tiranë që për shkak se janë të dominuar nga urrejtja kanë humbur logjikën. Një festë e neveritshme e cila i drejtoi të gjithë tytat e topave për të hedhur kapsollat në shtëpitë e shqiptarëve duke u përpjekur të transformojë në një politikë të dëshpëruar që do të katandiset keq e më keq në formën e një reagimi deputetësh që refuan të përfaqësojnë popullin dhe prëpiqen ti vënë zjarrin prespektivës së vendit. Është e pafalshme.”
Se a do ta falë opozitën mbetet për tu parë, por që droga shqiptare vazhdon dhe shitet në tregjet holandeze dhe jo vetëm, këtë nuk e thonë vetëm disa parti në Holandë. Raportet nga shtetet fqinje, Europol, DASH etj. dëshmojnë për një avancim në tregtimin e drogërave të forta dhe jo vetëm marijuanës në shtetet e BE.
